JABŁÓNKÓW W Lasku Miejskim w Jabłónkowie zacznył program sobotniego Gorolskigo Święta. Na scynie jedyn za drugim wystympujóm zespoły z rozmajtych krajów, ale aji też nasze ze Zaolzio. Je tu muzyka, tańce i piekne stroje ludowe.
Na poczóntku był blok, kiery sie nazywoł „Kiela tańców znosz, tela razy żeś je człowiekym” — tam tańcowały głównie dziecka z naszych zespołów folklorystycznych.
Na scynie wystympowali goście spoza granice — AFA Dukati z Čačaka z Serbii, Gençlik Merkezi Birliği Dansları Topluluğu z Turcji, polski zespół Skalni i słowacki UFS Mladosť. Ze Zaolzio zatańcowoł Zespół Taneczny Oldrzychowice i mali tancerze z Małych Oldrzychowic. Nimógło chybieć Zespołu Folklorystycznego Bystrzyca a Łączki.
Słóńce świyci, deszcz sie schowoł, bo sie poboł telkownego narodu, kiery prziszeł na Gorolski Świynto, co wiyncej jeszcze chcieć!!!
Komentáře
