PIOSEK Bawili sie aji w Piosku na balu, kiery organizuje PZKO wspólnie z Kołym Macierzy Szkolnej. Gdo mioł odwage, móg w tym roku prziść w masce.
Co było ciekawe – MK PZKO Piosek zorganizowało bal w Bukowcu u Turka. Ale żodnymu, ani tym pieknym dziywczackóm, to nie wadziło.
– Jak my szli zamówić lokal do Łabaja w Piosku, tak wszecki terminy były już pełne, i tymu robiymy bal u Turka w Bukowcu, nazwali my go Bal u szejka Turka – wytłumaczyła miejsce balu gospodarz Marie Šubrtová, kiero se uszyła pomysłowóm biedrónke. Towarzyszyła ji tak samo pomysłowo mrówka.
Tych odważnych było wiyncej, a tak na sali tańcowały cycki w lajbiku, ty narazie czakały na dobróm piosynke…
…meksyczanie, ci zaś akurat szli na parkiet….
…stewardka z pilotym i dalsze postacie.
Aji Janek Michalik mioł maske, prziszeł przewleczóny za „dolana“. Ganc mu to pasowało.
Zabawe zaczli od tradycyjnego poloneza, kiery poprowadzili członkowie zespołu Zaolzi. Ci jeszcze zatańcowali walczyk a taniec z lat 80. na motywy filmu „Footloose”. Balowicze im bili wielki brawa.
Toch je ciekawy, czy kupi los, kiery wygro.
A jo wiym, kiery los wygro. Czarowałach wczora…
Selficzko z balu trzeba mieć.
Nie bój sie biedrónko, wszycki kropki mosz, żodnóm żeś nie straciła.
Śpiychejcie sie, tu sie wszycy dobrze bawióm.
Na każdym balu sie nóndzie gdosi, gdo sie nie rod foci.
Taki wielki sznycel fakt nie zjym.
O jedynostej przijechoł sóm Szejk ze swym haremym. Jej, jak pieknie tancerki brzucha zatańcowały. Wszyckim sie to podobało.
Pani gospodarz sie cieszyła, że wszycy byli zadowolóni i bawili sie do biołego rana.
Komentáře
