łO dochtorowi Sikorowi
Był dochtór w Jabónkowie, pisoł sie Sikora. A drugi był Czarnota. To łuż był taki niedziwny dochtór, jyny tyn Sikora łokropnie dobry, jyny strasznie nerwowy. Bo sie zdoł zły, ale nie był zły. Za Austryje to było.
A prziszła tam baba, bo piyrwi ludzie boso chodzili, wiycie. Nikiedy deszcz loł a pomiyndzy palce w nogach wóm tego marasu rozmajtego nalazło. Jo to kiela razy miała, bo do kościoła w Jabónkowie sie w rynce niysło bótki, aby jich nie łubyło. Pram przez rynek, a do kościoła sie jich łobuło. A jak nazod, zaś do rynki, a zaś ście niyśli. A dziywki nastrojóne w sukniach, bandle we włosach, łoposka sie rozwijała a boso. To my tak chodzili.
A jedna baba, tako staro, szła do tego Sikory z palcami. łUż to miała pognite aże. I powiado: „Panie dochtorziczku, łokropnie mie boli miyndzy palcami”. – „łUkoż to!” łUna wyzuła to, na stołek położiła nogym i łun pluw ji na tóm nogym a pado: „Ty bestyjo staro, tyś to łod narodzynio nie myła”.
A teraz ji wzión, a cyk tam czegosi. Czi tam jodyny, czert wiy. Jeżiszikryste, tej nogóm
trzepie, wrzeeeszczi łoookrooopnie. Za chwilym łustowało, łustowało, łustowało, aż łustało. łUż coroz miyni bolało. A teraz drugo noga. Zaś dała drugóm: „Dochtorziczku mój złoty, ni”. – „Ty bestyjo, dyć łod tego zgnijesz!” Darymne.
Wzión zaś, szas, gich tam tyn. Zaś łokropnie wrzeszczała, przełokropnie. No a zaś pomału łustowało, łustowało, łustowało, no i łustało, i łobuła sie, i łuż tam zapłaciła mu, i szła do pola. – „Dziynkujym, panie dochtór” – łuż tam podziynkowała. A łun pado: „Ale, bestyjo, myj jinaczi ty nogi, aż mi tu po drugi zaś nie przidziesz!”
O autorce vyprávění: Anna Chybidziurowa se narodila v Bukovci na sklonku panování císaře Františka Josefa I., 26. července 1898 ve dvoru u Wocławků (Wocławky). Rovněž její rodiče pocházeli z Bukovce, otec z osady Malinky, matka Marie rozená Ćmielová z Markova. Její vypravěčské nadání obdivovali všichni od Hrčavy po Bukovec.
Děkujeme autorovi publikace Karolovi Danielovi Kadłubcovi a vydavateli – spolku Ducatus Teschinensis – za souhlas s publikováním na našem portálu vybraných povídek z knihy Opowiado Anna Chybidziurowa. Publikaci (již II. vydání) lze zakoupit v regionálních knihkupectvích.
Komentáře
