JABŁÓNKÓW Co dobrego dlo was nawarzili i narychtowali pezetkaowcy w swoich budach na Gorolskim Świyncie?
Boconowice przigotowały pipiok z podgarlinóm a wóntrobóm, jelito z kapustóm, wieprza z knedlóm a kapustóm, uwarzili smacznóm kapuśnice.
W bukowiecki budzie robióm dobre placki z czym jyny chcecie, majóm aji dobre kołocze.
W Bystrzycy zaś uwarzili jelito z kapustóm, majóm placki a upiykli kołocze.
W Gródku piekóm placki na blaszi, majóm kanapke gorolskóm, kapuśnice, jelito z kapustóm, zbójeckóm a kołocze.
W gorolski budzie – Chór Gorol, was prziwitajóm sami piekni a szykowni chłapcy, bo na zapleczu jedzyni gotuje jedno szwarne dziywczacko, gotuje żurek, pierogi na słodko, aji z kapustóm a grzibami, chlyb ze szpyrkami a boczkym.
Jak chcecie wiedzieć, jak szmakuje kaszanka z kapustóm, zóndźcie se do jabłonkowski budy, majóm tam aji sznycel, kapuśnice, rojberke a jabłonkowski placek.
Jasiyniorze uwarzili dobróm kapuśnice, poszmakować se możecie na strykach.
Karpyntno mo placki…
Łómnno zaś zapraszo na łómiański stryki, zabijaczke, bachora…..a starke ze starzikym.
Jabłnkowsko Macierz szkolno oferuje prejt z kapustóm, placki i zakręcónóm frytke.
Zaś w milikowski budzie uwarzili mięso z rosołu, langosz i przefajne kołocze.
Milików Pasieki mo dobróm zbójeckóm, frytki, lajoczki i też kołocze.
Przed mosteckóm je budóm je wdycki raja na placki na blaszi ze śmietónkóm, ze szpyrkami.
Mosty Szańce majóm placek, gulasz po gorolsku, rojber z jagnioka, knaki z jagnioka, pasztet, barszcz, chlyb ze szpyrkami, kołocz.
W Nowsiu se możecie wybrać wątrobe z rusztu, kapuste ze szpyrkami, chlyb ze szpyrkami, zbójeckóm, kiełbase a majóm aji flaki po gorolsku.
W budzie na Piosecznej majóm bachora, bigos, sznycel, kołocz a prziwitajóm was w piknych fortuchach.
W Piosku przigotowali placki, ale aji bezlepkowe, kapuśnice z wędzonym, dómowy chlyb z buncym a cosi małego z dómowym pestym.
Sajowcy robióm przefajne naleśniki.
SMACZNEGO!!!
Komentáře
